Standard Operating Procedure (SOP) Administrativu Fakuldade Engenharia - UNDIL

Definisaun:

Estudante transferénsia sira maka estudante sira ne'ebé maka uluk rejista ona hanesan estudante sira iha universidade sira seluk, tantu doméstiku no estranjeiru, no depois iha intensaun atu kontinua sira nia estudu iha programa estudu ida iha Fakuldade Engenharia.

Rekizitu Jerál:

1. Transferénsia estudante sira husi universidade rai-laran ne’ebé akreditadu.
2. Transferénsia estudante sira hosi universidade estranjeiru akreditadu.
3. Estudante refere la’ós estudante ne’ebé husik eskola / drop-out iha nia universidade rasik tanba razaun non-akadémiku.
4. Estudante nia programa estudu orijinál tenke hanesan ka relevante ho programa estudu ne'ebé nia hakarak.

Etapa Prosedimentu:

1. Kandidatu estudante transferénsia sira mai iha Diresaun Akademiku / DAAAE hodi hetan informasaun no rekizitu sira atu simu estudante transferénsia sira.
2. DAAAE hato’o informasaun kona-ba rekizitu sira atu simu estudante transferénsia ba kandidatu estudante transferénsia sira no depois orienta sira atu ba iha Dekanu/Xefe departamentu ne’ebé sira atu ba hodi hetan aprovasaun.
3. Kandidatu estudante transferénsia sira hasoru malu ho Dekanu no Xefe Departamentu hodi hetan aprovasaun atu transfere ba fakuldade/programa estudu ne'ebé maka hakarak, tuir regulamentu ne'ebé aplikavel.
4. Kandidatu estudante transferénsia sira hatama transkrisaun valor ida hosi sira nia valór orijinál atu hetan konversaun valor hosi Xefe Departamentu.
5. Xefe Departamentu fornese rezultadu konversaun valór rekoñesidu ba Dekanu hodi halo validasaun no aprovasaun. Prosesu konversaun valór nian ajusta ba prosedimentu konversaun valór ne'ebé aplikavel.
6. Dekanu hatama valór konverte sira ne'ebé maka programa estudu rekoñese hanesan ekivalente ka hanesan ho valór orijinál sira ba Xefe Departamentu no hafoin hatama ba Administrasaun Departamentu.
7. Administrasaun Departamentu entrega rezultadu konversaun no rezultadu tranferensia ba Kandidatu estudante transferénsia.
8. Kandidatu estudante transferénsia sira rejista iha DAAAE hodi lori rekizitu administrativu sira ne'ebé espesifika ona.
9. Kandidatu estudante transferénsia sira selu propinas tuir regulamentu ne’ebé aplika ba diresaun finansas Universidade Dili nian.
10. Estudante transferensia sira foti Ficha Planu Estudu (FPE) no hala’o orientasaun akadémika ho orientasaun husi Xefe Departamentu nu’udar supervizór akadémiku.

Parte Relevante:

1. Kandidatu Estudante
2. Xefe Departamentu
3. Administrasaun Departamentu
4. Dekanu Fakuldade
5. DAAAE
6. Diresaun Finansas.

Dokumentus Nesesariu:

1. Karta Mudansa / Karta Transferénsia
2. Transkrisaun Valor Provisoriu
3. Eleitoral / BI.
4. Sertidaun RDTL / Sertidaun Moris
5. Dokumentu Rejistu Estudante Foun nian