Standard Operating Procedure (SOP) Administrativu Fakuldade Engenharia - UNDIL

Definisaun:

Transkrisaun Valor Provisoriu maka dokumentu ofisiál ida hanesan evidénsia válidu ida hosi kolesaun atividade akadémika sira ne'ebé maka estudante ida partisipa ona tuir kurríkulu aplikavel ba departamentu ne'ebé finaliza hosi inísiu semestre to'o semestre ikus iha momentu submisaun no exame monografia/teze.

Rekizitu Jerál:

1. Estatutu hanesan estudante ativu iha semester atual.
2. Realiza ona konsultasaun akadémika iha semestre atuál.
3. Estudante semestre final / finalista ne’ebé laiha karga kursu teóriku.
4. Estudante sira ho kondisaun no nesesidade balun hanesan nesesidade atu aplika ba ajuda/bolsa estudu no estudante sira ne’ebé aplika ba transferénsia.

Etapa Prosedimentu:

1. Estudante sira hato’o pedidu ida ba administrasaun departamentu nian.
2. Hatudu dokumentu sira ne'ebé apoia relasiona ho estatutu estudante nian.
3. Karik dokumentu komprovativu sira kompletu no válidu, administrasaun departamentu sei prosesa estudante nia pedidu kona-ba produsaun Transkrisaun Valor Provisoriu ba estudante refere.
4. Karik dokumentu sira ne'e la kompletu, administrasaun departamentu nian la permite atu prosesa estudante nia pedidu ho razaun saida deit.
5. Administrasaun hatama valór sira kada semestre bazeia ba valór sira ne'ebé hetan ona no hakerek iha FRE (Ficha Rezultadu Estudu) kada semestre husi estudante refere.
6. Transkrisaun Valor Provisoriu tenke asina husi Dekanu Fakuldade no Xefe Departamentu no tau ho Karimbu Fakuldade nian.
7. Estudante sira selu kustu administrativu.
8. Depois prosesu 1 to'o 7 kompleta, estudante sira iha direitu ba Transkrisaun Valor Provisoriu.

Parte Relevante:

1. Estudante
2. Administrasaun Departamentu
3. Dekanu Fakuldade
4. Xefe Departamentu

Dokumentus Nesesariu:

1. FPE / Ficha Planu Estudu Semestre Atual.
2. KPRH
3. FRE / Ficha Rezultadu Estudu kada Semestre