Standard Operating Procedure (SOP) Administrativu Fakuldade Engenharia - UNDIL

Definisaun:

Karta Aplikasaun Peskiza maka karta ida ne'ebé hasai atu fó lisensa ba estudante sira (peskizadór sira) atu halo peskiza ka halibur dadus iha ajénsia / instituisaun ida. Hafoin pedidu ba karta peskiza ida hatama, Administrasaun departamentu sei prosesa no hasai karta lisensa peskiza nian.

Rekizitu Jerál:

1. Estatutu hanesan estudante ativu iha semester atual.
2. Realiza ona konsultasaun akadémika iha semestre atuál.
3. Hato’o dadus lokalizasaun no pesoal ne’ebé responsavel ba fatin peskiza ho klaru no loos.

Etapa Prosedimentu:

1. Estudante sira hato’o pedidu ida ba prosesamentu karta peskiza nian ba administrasaun departamentu nian.
2. Estudante sira tenke fornese no deklara informasaun ne'ebé loos no tuir ezijénsia sira iha karta peskiza nian.
3. Administrasaun Departamentu imprime karta aplikasaun peskiza tuir informasaun aplikasaun estudante nian.
4. Karta aplikasaun peskiza tenke asina husi Xefe Departamentu no ratifika husi Dekanu Fakuldade molok hato’o ba ajénsia ne’ebé hala’o peskiza.
5. Karta pedidu peskiza ne’ebé fó sai husi Departamentu tenke hetan akompañamentu husi ajénsia. Ho liafuan seluk, karik karta pedidu peskiza husi departamentu ne’e hetan aprovasaun husi ajénsia relevante, ajénsia/instituisaun iha obrigasaun atu halo karta resposta ne’ebé dirije ba departamentu (fakuldade tenke simu duplikadu husi karta ne’e) ne’ebé hateten katak parte relevante aprova no aseita pedidu peskiza nian.
6. Karik laiha karta akompañamentu, signifika ajénsia rejeita no la fo lisensa atu estudante sira halo peskiza iha fatin ne'ebé relevante.
7. Estudante sira ne'ebé la hetan aprovasaun no aseitasaun hosi parte relevante sira, la fo lisensa atu kontinua peskiza iha fatin ne'ebá ho razaun saida deit.
8. Karik iha futuru hetan katak estudante ne’e viola ona pontu 7, rezultadu peskiza ka relatóriu ho forma saida de’it sei anula/rejeita husi Fakuldade.
9. Relatóriu peskiza ida-idak (Servisu Prátika, Semináriu, Projetu Independente, Teze, nst.) tenke anexa karta pedidu peskiza no karta resposta ne'ebé aprova peskiza.

Parte Relevante:

1. Estudante
2. Administrasaun Departamentu
3. Dekanu Fakuldade
4. Xefe Departamentu
5. Ajente / Institutu Fatin Peskiza.

Dokumentus Nesesariu:

1. FPE / Ficha Planu Estudu Semestre Atual.
2. KPRH