Standard Operating Procedure (SOP) Administrativu Fakuldade Engenharia - UNDIL

Definisaun:

Lisensa akadémika maka períodu ida ne'ebé estudante sira la tuir palestra / aulas ka la partisipa iha atividade akadémika sira durante pelumenus semestre ida. Lisensa akadémika, koñesidu mós hanesan lisensa estudu nian/cuti, bele foti bainhira estudante sira kompleta ona pelumenus semestre rua dezde rejista iha universidade.

Rekizitu Jerál:

1. Estatutu hanesan estudante ativu iha semester anterior.
2. Remata ona pelumenus semestre akadémiku 2, exetu ba kondisaun balun, mak hanesan saúde.
3. Aplikasaun ba lisensa tenke iha kunhesementu inan-aman/tutela sira, Supervizór Akadémiku sira no hetan aprovasaun hosi Xefe Departamentu/Programa Estudu.

Etapa Prosedimentu:

1. Estudante sira hatama pedidu ida ba prosesamentu karta lisensa akadémika nian ba administrasaun departamentu.
2. Hatudu dokumentu komprovativu relasiona ho estudante nia pedidu.
3. Karta lisensa akadémika  diriji ba Vice-Reitor Asuntu Finansas ne’ebé hato’o husi Dekanu Fakuldade tuir pedidu lisensa estudante nian.
4. Hafoin Dekanu Fakuldade asina karta perdidu lisensa, administrasaun departamentu tenke duplika/fotokopia karta ne’e hanesan arkivu departamentu nian molok entrega ba estudante.
5. Estudante sira selu kustu administrativu.
6. Hafoin estudante simu karta pedidu lisensa, estudante tenke hatama karta pedidu lisensa ba diresaun finansa hodi kontinua ba prosesu lisensa akadémika.
7. Iha etapa tuir mai, estudante sira tenke tuir regra no regulamentu diresaun finansas no akadémiku Universidade Dili nian.

Parte Relevante:

1. Estudante
2. Xefe Departamentu
3. Inan-aman husi Estudante
4. Administrasaun Departamentu
5. Dekanu Fakuldade
6. Diresaun Financas.

Dokumentus Nesesariu:

1. Kartaun Estudante.
2. Karta kunhesementu husi estudante ne’ebé asina husi estudante nia inan-aman/tuteladu.