Relasiona ho kooperaaun Fakuldade Engenharia ho Parseiru Prinsipal hotu-hotu, Fakuldade Anunsia Aplikasaun Apoiu Finanseiru Parsial ba Estudante Ativu Fakuldade Engenharia – UNDIL. Apoiu finanseiru ne’e sei kobre Orsamentu Propinas Semestre Par Tinan Akademiku 2026 ba Estudante nain 12 iha Fakuldade Engenharia, tuir mai Fakuldade fo sai sirkular ba estudante ativu Fakuldade Engenharia hodi bele submete dokumentus tuir regras no kriteria hanesan tuir mai:
- Data Hatama Dokumentus maka Segunda 03/08/2026 to’o Segunda 31/08/2026 iha Loron no Oras Servisu.
- Dokumentus hotu-hotu hatama iha Administrasaun kada Departamentu (Teknika Industrial, Petroleo, Informatika no Geologica) iha Mapa kor Mean.
- Dokumentus ne’ebe tenki submete maka:
a. Fhotocopia Diploma Sekundariu Legalizadu Ministeriu Edukasaun.
b. Fhotocopia BI / Kartaun Eleitoral Estudante no Inan Aman.
c. Fhotocopia Ficha Familia.
d. Fhotocopia Sertidaun RDTL.
e. Fhotocopia Kartaun Estudante UNDIL Ativu.
f. Ficha Rezultadu Estudu (FRE) Semestre Impar 2026
g. Karta Rekerementu Pesoal (Estudante tenki esplika kondisaun atual / nesesidade finanseira tamba saida maka estudante refere merese hodi hetan apoiu finanseiru parsial refere). - Kriteria ba Kandidadu apoiu finanseiru parsial maka hanesan tuir mai:
a. Sidadaun Timorense
b. Estudante Ativu Semester Impar TA 2026 Fakuldade Engenharia.
c. Estudante la afilia / la simu bolsu estudu husi fatin seluk.
d. Prefere liu ba Estudante husi familia kbit la’ek.
e. Valor Index Prestasaun ≥ 3.0 iha Semestre Impar 2026. (Evidensia Ficha Resultadu Estudu)
Maka ne’e deit sirkular ida ne’e informa, mudansa ka informasaun foun, sei informa fila fali iha sirkular seluk. Ba kolaborasaun no kooperasaun tomak, hato’o obrigadu wain.
Dili, 31 Julhu 2026
Dekanu Fakuldade Engenharia
Januario Freitas Araujo Bernardo, M.Kom
