Standard Operating Procedure (SOP) Administrativu Fakuldade Engenharia - UNDIL

Definisaun:

Dosente permanente mak dosente sira ne’ebé servisu tempu tomak no iha estatutu nu’udar pesoál dosente permanente iha unidade ensinu superiór balun. Nomeasaun ba dosente permanente hanesan atividade ida atu rekruta dosente sira ne’ebé servisu tempu tomak nu’udar pesoál dosente permanente iha unidade ensinu superiór balun.

 Rekizitu Jerál:

1. Kandidatu dosente tenke saudavel fizikamente no espiritualmente
2. Kandidatu dosente sira tenke livre hosi aktu krime.
3. Iha grau akadémiku mínimu Mestradu
4. La rejista nu’udar dosente permanente iha instituisaun ensinu superiór seluk

Etapa Prosedimentu:

1. Dekanu ka dirijente Fakuldade propoin ka husu atu halo rekrutamentu ba dosente permanente tuir klasifikasaun kandidatu dosente permanente ba Reitoria.
2. Reitoria, liuhosi departamentu sira ne’ebé iha ligasaun, forma ekipa rekrutamentu dosente permanente
3. Ekipa rekrutamentu halo anúnsiu públiku tantu iha mídia massa no mídia imprime no eletróniku.
4. Ekipa rekrutamentu halibur dokumentu hotu-hotu ba kandidatu dosente permanente sira.
5. Ekipa rekrutamentu halo avalisaun kandidatu dosente permanente hahu husi selesaun arkivu to’o faze intervista.
6. Ekipa rekrutamentu anunsia rezultadu selesaun no submete ba diresaun rekursu umanu
7. Kandidatu dosente sira ne’ebé deklara liu ona selesaun hotu-hotu tenke hato’o ba diresaun rekursu umanu no asina karta kontratu Dosente Permanente.
8. Diresaun rekursu umanu submete kópia karta kontratu Dosente Permanente ba Dekanu Fakuldade.
9. Diresaun rekursu umanu introdús dosente permanente ba Fakuldade tomak.

Parte Relevante:

1. Kandidatu Dosente
2. Dekanu Fakuldade nian
3. Reitoria
4. Diresaun Rekursu Umanu.

Dokumentus Nesesariu:

1. CV / Curriculum Vitae
2. Fotokopia Diploma Legalizadu
3. Fotokopia Transkrisaun Valor Legalizadu
4. Karta Aplikasaun Servisu
5. Eleitoral / BI
6. Fotokopia Sertifikadu Abilidade