Standard Operating Procedure (SOP) Finanseiru Fakuldade Engenharia - UNDIL

Definisaun:

Desembolsu Orsamentu Prátika hanesan submisaun ida ba kada atividade prátika iha semestre ida ne'ebé presiza fundu. Orsamentu prátika sira hetan hosi osan sira ne'ebé maka estudante sira selu kada semestre ka bainhira hala'o atividade prátika sira.

Rekizitu Jerál:

1. Submisaun sira halo kada semestre.
2. Polítika ba dezembolsu orsamentu prátika regula husi Diresaun Finansas Universidade Dili.
3. Submisaun ba desembolsu orsamentu prátika halo husi Xefe Departamentu.
4. Pedidu submisaun hotu-hotu ba orsamentu prátika tenke hatama ho koñesimentu hosi Dekanu Fakuldade nian.

Etapa Prosedimentu:

1. Depois estudante hotu-hotu iha semestre atuál selu ona orsamentu prátika tuir regulamentu ne'ebé aplikavel, Xefe Departamentu presiza atu fó instrusaun ba administrasaun departamentu nian atu rejista dadus sira ne'ebé relasiona ho pagamentu orsamentu prátika ne'ebé estudante sira halo.
2. Dokumentu sira ne’ebé tenke hatama ba aplikasaun dezembolsu orsamentu prátika mak KPRH no kópia slip pagamentu banku husi estudante ida-idak nian.
3. Durante rekolla dadus, karik hetan katak iha estudante balun ne’ebé seidauk hatama KPRH no kópia slip pagamentu husi banku, administrasaun departamentu presiza kontaktu estudante refere.
4. Hafoin rekolla dadus no rekolla dokumentu sira relasiona ho dezembolsu orsamentu prátika husi administrasaun departamentu nian remata, dokumentu sira hotu ne’ebé iha relasaun hato’o ba Xefe Departamentu.
5. Xefe departamentu halo proposta kona-ba dezembolsu orsamentu prátika, ne’ebé proposta ne’e diriji ba Reitoria Universidade Dili.
6. Proposta desembolsu orsamentu prátika tenke asina husi Xefe Departamentu no Dekanu Fakuldade.
7. Hafoin proposta desembolsu orsamentu pratika remata ona, xefe departamentu tenke submete ba Dekanu Fakuldade hodi asina no karimbu ho Karimbu Fakuldade.
8. Hafoin proposta hotu-hotu kona-ba dezembolsu orsamentu prátika nian prontu ona, administrasaun departamentu nian hato’o proposta ne’e ba Sekretariadu Reitória.
9. Prosesu tuir mai mak desizaun husi Reitoria no diresaun finansas. Departamentu bele halo akompañamentu ba proposta desembolsu orsamentu prátika ba Sekretariadu Reitoria.
10. Karik proposta desembolsu orsamentu pratika simu no hetan aprovasaun ba desembolsu, administrasaun departamentu bele konfirma proposta desembolsu orsamentu pratika ba Vise Reitór Asuntu Finansas ba prosesu desembolsu fundu pratika.
11. Fundu prátika sira bele foti no dezembolsa iha diresaun finansas universidade nian.

Parte Relevante:

1. Administrasaun Departamentu
2. Xefe Departamentu
3. Dekanu Fakuldade
4. Sekretariu Reitoriadu
5. Vice Reitor Asuntu Finansas
6. Diresaun Finansas

Dokumentus Nesesariu:

1. Proposta Desembolsu Orsamentu Prátika
2. KPRH
3. Slip Bankaria Pagamentu Orsamentu Pratika