Standard Operating Procedure (SOP) Finanseiru Fakuldade Engenharia - UNDIL

Definisaun:

Submisaun pagamentu dosente Parte Tempu maka forma submisaun ida ne'ebé halo hosi Fakuldade no koordenasaun ho departamentu kona-ba pagamentu direitu finanseiru hosi dosente parte tempu hotu-hotu iha semestre atuál no dirije ba diresaun finansa Universidade nian atu nune'e direitu sira-ne'e hotu bele simu hafoin obrigasaun akadémika hotu-hotu hala'o ona.

Rekizitu Jerál:

1. Prosesu submisaun pagamentu ba dosente parte tempu hala’o iha finál semestre bainhira prosesu ensinu aprendizajen tomak remata ona.
2. Submisaun pagamentu dosente parte tempu halo husi Fakuldade ba Diresaun Finansas Universitáriu.
3. Pagamentu ba dosente parte tempu halo liuhosi transferénsia bankária (la simu osan-cash)
4. Dosente parte tempu hotu-hotu presiza iha konta bankária (rekomenda Banku Mandiri no BNCTL).

Etapa Prosedimentu:

1. Durante prosesu ensinu aprendizajen tomak, Dekanu Fakuldade fó instrusaun ba xefe departamentu atu submete lista dosente parte tempu ne’ebé hanorin iha semestre atuál.
2. Tuir mai, Xefe Departamentu prepara lista dosente parte tempu ne’ebé hanorin iha semestre atuál hodi hato’o ba Dekanu Fakuldade.
3. Durante prosesu preparasaun lista, xefe departamentu fó instrusaun ba administrasaun departamentu atu submete númeru konta bankaria/IBAN husi kada dosente parte tempu ne’ebé antes ne’e administrasaun departamentu rekolla ona.
4. Hafoin lista dosente parte tempu prontu ona, administrasaun departamentu submete lista ba Dekanu Fakuldade.
5. Lista dosente parte tempu tenke kompostu husi dosente nia naran kompletu ho titlu, kursu ne’ebe hanorin no numeru turma.
6. Hafoin lista dosente parte tempu simu husi Dekanu Fakuldade, Dekanu Fakuldade halo proposta pagamentu Dosente parte tempu ne’ebe dirije ba Reitoria Universidade Dili.
7. Proposta pagamentu ba Dosente parte tempu hato’o ba Sekretariadu Reitoria hodi halo akompañamentu no aseitasaun husi Reitoria.
8. Hafoin simu no aprova tiha proposta pagamentu Dosente parte tempu, Diresaun Finansas sei transfere pagamentu Dosente parte tempu ba kada dosente nia konta bankaria.

Parte Relevante:

1. Administrasaun Departamentu
2. Xefe Departamentu
3. Dekanu Fakuldade
4. Sekretariadu Reitoria
5. Vice Reitor Asuntu Finansas
6. Diresaun Finansas

Dokumentus Nesesariu:

1. Proposta pagamentu dosente Parte Tempu
2. Lista Dosente Parte Tempu
3. Numeru Konta Bankaria / IBAN kada dosente