Standard Operating Procedure (SOP) Finanseiru Fakuldade Engenharia - UNDIL

Definisaun:

Pagamentu Orsamentu Prátika hanesan pagamentu ida ne’ebé estudante sira tenke selu atu nune’e bele hala’o atividade prátika. Pagamentu ba orsamentu prátika sira regula hosi departamentu no hetan kunhesementu hosi fakuldade no diresaun finansas universidade nian. Pagamentu ba orsamentu prátika sira bele halo kada semestre ka iha semestre ne'ebé iha atividade prátika deit.

Rekizitu Jerál:

1. Estudante ne’ebé selu orsamentu prátika mak estudante ativu husi semestre anteriór, estudante lisensa iha semestre anteriór ka estudante foun iha semestre atuál.
2. Orsamentu prátika determina hosi Departamentu no tenke hetan kunhesementu hosi Universidade.
3. Prosesu pagamentu hala’o sentraliza iha banku ne’ebé dezigna husi Universidade.
4. Prosesu pagamentu orsamentu prátika hala’o tuir nesesidade Departamentu nian (kada semestre ka bainhira iha atividade prátika).

Etapa Prosedimentu:

1. Administrasaun Departamentu hasai anúnsiu ida kona-ba orario pagamentu ba orsamentu prátika nian.
2. Administrasaun Departamentu koordena ho diresaun finansa kona-ba departamentu nia orario pagamentu orsamentu prátika.
3. Estudante sira foti slip bankáriu ne'ebé fornese hosi diresaun finansas.
4. Estudante sira prenxe dadus no montante pagamentu iha slip bankaria no selu iha banku ne'ebé dezignadu.
5. Hafoin halo pagamentu, estudante sira sei simu kópia 2 slip bankaria husi banku.
6. Kópia slip bankaria ne’ebé estudante sira simu tenke submete ba Diresaun Finansas Universidade hodi halo verifikasaun.
7. Wainhira hatama kópia slip bankaria, obrigatóriu tenke inklui KPRH nu’udar prova verifikasaun pagamentu.
8. Hafoin verifikasaun remata, diresaun finansas universidade nian sei fo karimbu detallu pagamentu tuir nominal pagamentu.
9. Depois prosesu hotu-hotu remata, diresaun finansas sei fornese kópia 1 slip bankaria husi banku ba estudante sira atu rai.
10. Estudante sira tenke hatama fotokópia KPRH no kópia slip bankaria (ida-idak) ba administrasaun departamentu.
11. Estudante sira tenke rai kópia slip bankaria nian.

Parte Relevante:

1. Estudante
2. Diresaun Finansas
3. Administrasaun Departamentu

Dokumentus Nesesariu:

1. KPRH
2. Slip Bankaria