Standard Operating Procedure (SOP) Finanseiru Fakuldade Engenharia - UNDIL

Definisaun:

Pagamentu Orsamentu Semesteral / Propinas hanesan orsamentu ida ne’ebé kobra ba estudante ida-idak hodi uza iha prosesu aprendizajen. Montante propinas determina husi Reitoria universidade.

Rekizitu Jerál:

1. Estudante ne’ebé selu propinas mak estudante ativu husi semestre anteriór, estudante lisensa iha semestre anteriór ka estudante foun iha semestre atuál.
2. Osan propinas determina husi Universidade Dili.
3. Prosesu pagamentu hala’o sentraliza iha banku ne’ebé deside husi Universidade.
4. Prosesu pagamentu propinas hala’o kada semestre.

Etapa Prosedimentu:

1. Universidade liuhosi Diresaun Finansas, hasai anúnsiu kona-ba orario pagamentu propinas.
2. Diresaun finansa komesa loke ona servisu pagamentu propinas.
3. Estudante sira foti slip bankáriu ne'ebé fornese hosi diresaun finansas.
4. Estudante sira prenxe dadus no montante pagamentu iha slip bankaria no selu iha banku ne'ebé dezignadu.
5. Hafoin halo pagamentu, estudante sira sei simu slip kópia 2 husi banku.
6. Kópia slip bankária ne’ebé estudante sira simu tenke submete ba Diresaun Finansas Universidade hodi halo verifikasaun.
7. Wainhira hatama kópia slip bankaria, obrigatóriu tenke inklui KPRH nu’udar prova verifikasaun pagamentu.
8. Hafoin verifikasaun remata, diresaun finansas universidade nian sei fo karimbu detallu pagamentu tuir nominal pagamentu.
9. Depois prosesu hotu-hotu remata, diresaun finansas sei fornese kópia 1 husi slip bankaria ba estudante sira atu rai.
10. Estudante sira tenke rai kópia ida hosi slip bankaria nian.

Parte Relevante:

1. Estudante
2. Diresaun Finansas

Dokumentus Nesesariu:

1. KPRH
2. Slip Bankaria