Standard Operating Procedure (SOP) Finanseiru Fakuldade Engenharia - UNDIL

Definisaun:

Pagamentu Orsamentu Monografia maka pagamentu ida ne'ebé kobra ba estudante hotu-hotu ne'ebé sei foti monografia iha semestre finál. Montante orsamentu monografia determina husi Dekanu Fakuldade no Xefe Departamentu no iha koñesimentu husi lideransa universidade.

 Rekizitu Jerál:

1. Estudante sira ne’ebé selu orsamentu monografia ne’e nu’udar estudante semestre finál ativu ne’ebé kumpre ona direitu atu foti monografia.
2. Orsamentu monografia determina husi Dekanu Fakuldade no Xefe Departamentu no iha koñesimentu husi Universidade Dili.
3. Prosesu pagamentu hala’o sentraliza iha banku ne’ebé dezigna husi Universidade.
4. Regra no etapa pagamentu nian regula husi diresaun finansas Universidade Dili nian.

Etapa Prosedimentu:

1. Estudante sira tenke kompleta prosesu her-registrasaun semestre atuál no hala'o orientasaun FPE.
2. Estudante sira tenke preense kursu monografia iha FPE
3. Estudante sira halo pagamentu ba sira nia orsamentu monografia iha banku ne'ebé dezignadu hosi Universidade.
4. Hafoin halo pagamentu, estudante sira tenke relata ba diresaun finansa liuhosi hatama slip bankaria Pagamentu Teze nian.
5. Diresaun Finansas sei valida pagamentu ba orsamentu monografia no fornese kartaun livre dever.
6. Estudante sira tenke submete kópia slip bankaria pagamentu teze nian ba administrasaun departamentu nian hanesan dokumentasaun departamentu nian no prova katak estudante iha direitu atu kontinua prosesu monografia nian tuir regulamentu ne'ebé aplikavel.
7. Hafoin prosedimentu sira iha leten ne’e remata hotu, departamentu sei prosesa atividade no prosedimentu monografia nian tuir regulamentu ne’ebé aplikavel.

Parte Relevante:

1. Estudante
2. Diresaun Finansas
3. Administrasaun Departamentu

Dokumentus Nesesariu:

1. Slip Bankaria Pagamentu Monografia
2. Karta Livre Dever
3. KPRH