Standard Operating Procedure (SOP) Akademiku Fakuldade Engenharia - UNDIL

Definisaun:

Ezame Final Semestre (EFS) maka atividade akadémika ida ne'ebé maka tenke hala'o hosi estudante universitáriu ida-idak hodi kompleta sira nia estudu, no mós forma ida hosi avaliasaun finál hosi kursu ne'ebé maka fó énfaze ba aspetu kognitivu hodi determina estudante passa iha kursu ida-idak.

Rekizitu Jerál:

1. Partisipante exame tenki rejistu hanesan estudante ativu iha semestre atuál.
2. Estudante sira tuir ona kursu relevante ne'ebé prova ona hosi FPE.
3. Ba Ezame Final Semestre, estudante sira tenke tuir ona pelumenus 75% hosi aulas presensial sira bazeia ba persentajen hosi kursu sira.
4. Tuir ona Ezame Mediu Semestre ba kursu refere iha semestre atuál.

Etapa Prosedimentu:

1. Ezame Final Semestre hahú bainhira sirkulár ezame finál hasai hosi Diresaun Akadémiku Universidade Dili.
2. Oráriu ezame nian deside no responsabiliza husi dosente kursu relevante.
3. Karik dosente kursu hala’o ezame ruma no presiza materiál ezame nian hanesan imprime pergunta no surat resposta ezame nian, sira tenke koordena ho administrasaun departamentu másimu oras 24 molok ezame ne’e hala’o.
4. Dosente kursu sira tenke lori folha prezensa ezame nian durante Exame Final Semestre nian.
5. Dosente kursu sira tenke husu kartaun Exame Final Semestre nian hosi estudante sira no asina hanesan prova katak estudante refere tuir ona ezame.
6. Estudante sira ne’ebé labele tuir sesaun Exame Final Semestre tenke hatama pedidu lisensa la liu oras 1 molok ezame hahú, tantu verbál ka liuhosi mensajen eletróniku.
7. Estudante sira ne’ebé hetan lisensa mak estudante sira ne’ebé moras, asidente, problema família, lisan, iklima no problema urjente sira seluk ne’ebé ezije estudante ne’e atu husu lisensa.
8. Karik dosente kursu hala’o ezame repete, tenke hala’o la liu semana 1 hafoin ezame normál.

Parte Relevante:

1. Dosente
2. Estudante
3. Administrasaun Departamentu

Dokumentus Nesesariu:

1. Folha Prezensa Exame
2. Kartaun Exame