Standard Operating Procedure (SOP) Akademiku Fakuldade Engenharia - UNDIL

Definisaun:

Orientasaun Akadémika nu’udar prosesu semestrál ne’ebé tenke hala’o husi estudante ativu hotu Universidade Dili nian hodi hetan direitu iha prosesu ensinu aprendizajen kada semestre. Ba estudante foun sira, prosesu orientasaun akadémika nu’udar prosesu akadémika inisiál hodi introdús fluxu prosesu aprendijagem ne’ebé hala’o husi dosente orientador akadémika.

Rekizitu Jerál:

1. Rejistu ona nu’udar estudante ativu iha Diresaun Akadémika/DAAAE
2. Foti ona Ficha Planu Estudu (FPE)
3. Labele halo orientasaun tarde / liu prazu orientasaun akadémika nian.

Etapa Prosedimentu:

1. Estudante sira tenke foti Ficha Planu Estudu (FPE) nian iha DAAAE.
2. Estudante sira relata pedidu ba orientasaun akadémika iha seksaun administrasaun departamentu nian.
3. Ba estudante foun sira, seksaun administrasaun akadémika sei koordena uluk ho xefe departamentu hodi nomeia Dosente Orientador Akadémiku ba estudante foun sira.
4. Administrasaun departamentu sei halo verifikasaun inisiál kona-ba dokumentu akadémiku iha prosesu orientasaun akadémika. Ba estudante sira hosi semestre anteriór, obrigatóriu atu hatama pedidu ida hodi imprime Ficha Rezultadu Estudu nian (FRE) hosi semestre anteriór.
5. Hafoin prosesu verifikasaun remata, estudante sira sei hetan orientasaun akadémika husi Dosente Orientador Akadémiku ne’ebé nomeia husi Xefe Departamentu.
6. Dosente Orientador Akadémiku sira presiza atu esplika prosesu orientasaun, kursu sira ne'ebé atu tuir no prosedimentu Aprendijagem nian ba estudante ativu sira.
7. Ba kursu pré-rekizitu sira, Dosente Orientador Akadémiku presiza atu verifika uluk valór kursu nian ne'ebé presiza molok permite estudante sira atu tuir kursu relasionadu.

Parte Relevante:

1. DAAAE
2. Administrasaun Departamentu
3. Dosente Orientador Akadémiku
4. Estudante

Dokumentus Nesesariu:

1. KPRH
2. FPE
3. FRE Semestre Anterior (ba estudante tuan)