Standard Operating Procedure (SOP) Akademiku Fakuldade Engenharia - UNDIL

Definisaun:

Preense Ficha Planu Estudu (FPE) hanesan kontinuasaun ba atividade akadémika estudante sira nian hafoin tuir orientasaun akadémika. Iha prosesu ida ne’e, kursu ida ne’ebé tenke foti no tuir iha semestre atuál hanesan kursu ida ne’ebé hetan ona aprovasaun husi Dosente Orientador Akadémiku.

Rekizitu Jerál:

1. Rejistu ona nu’udar estudante ativu iha Diresaun Akadémika/DAAAE.
2. Foti ona Ficha Planu Estudu (FPE) nian.
3. Halo ona konsulta akadémika ho Dosente Orientador Akadémiku.

Etapa Prosedimentu:

1. Estudante sira hala’o no liu ona atividade orientasaun akadémika.
2. Estudante sira tenke kompleta kursu sira ne’ebé hetan ona aprovasaun husi Dosente Orientador Akadémiku iha Ficha Planu Estudu (FPE)  ne’ebé hetan husi DAAAE.
3. Ficha Planu Estudu (FPE) ne’ebé kompleta ona tenke entrega fali ba Dosente Orientador Akadémiku hodi bele asina. Keta haluha katak estudante sira mós tenke asina Ficha Planu Estudu (FPE).
4. Ficha Planu Estudu (FPE) ne’ebé asina ona husi Dosente Orientador Akadémiku no Estudante tenke legaliza husi Administrasaun Fakuldade.
5. Hafoin prosesu legalizasaun husi Administrasaun Fakuldade, estudante sira iha direitu atu hola parte iha prosesu aprendijagem tuir oráriu aulas ne’ebé publika husi departamentu.

Parte Relevante:

1. Dosente Orientador Akadémiku
2. Administrasaun Fakuldade
3. Administrasaun Departamentu
4. Estudante

Dokumentus Nesesariu:

1. Livru Konsultasaun Akademiku
2. Ficha Planu Estudu (FPE)