Standard Operating Procedure (SOP) Akademiku Fakuldade Engenharia - UNDIL

Definisaun:

Atividade Aulas Aprendijagem maka prosesu aprendijagem ida ne'ebé inklui atividade oin-ba-oin iha klase, prátika, hala'o esperimentu no fó tarefas akadémiku sira seluk. Atu apoia atividade aprendijagem sira ne’e, bele hala’o semináriu, diskusaun painél, workshop no atividade sientífika sira seluk.

 Rekizitu Jerál:

1. Aprendijagem sira hahú tuir Kalendáriu Akadémiku Universidade Dili nian.
2. Administrasaun Departamentu publika ona oráriu Aprendijagem no dosente kursu sira ne’ebé prepara no hetan ona aprovasaun husi Xefe departamentu.
3. Karik iha mudansa ba oráriu Aprendijagem no dosente kursu nian, ida ne’e presiza konfirma direitamente husi dosente ne’ebé hakarak muda ba Xefe Departamentu ka administrasaun departamentu,.
4. Molok aula hahú, departamentu tenke garante katak fasilidade no ekipamentu ba prosesu Aprendijagem nian iha ona (sala aula, projetór, markadór, nst.).
5. Dosente sira ne’ebé halo mudansa ba oráriu Aprendijagem nian presiza halo koordenasaun ho estudante sira atu evita konfrontu oráriu liuhosi fó hatene diretamente ba xefe departamentu ka administrasaun departamentu molok palestra hahú.
6. Karik dosente la tama aulas, tenke fó hatene ba administrasaun departamentu ka xefe klase la liu oras 1 molok aulas hahú.

Etapa Prosedimentu:

1. Dosente sira hala’o prosesu aprendijagem tuir oráriu palestra ne’ebé aplikavel.
2. Durasaun aulas aprendijagem nian tuir kurríkulu ne’ebé aplikavel ka mínimu enkontru prezensiál dala 10 iha klase, prátika, hala’o esperimentu no fó knaar akadémiku sira seluk durante semestre 1 nia laran.
3. Iha enkontru inisiál iha prosesu aprendijagem, dosente kursu nian presiza atu esplika sílabus no planu aprendizajen no mós modelu avaliasaun ne'ebé sei fornese.
4. Estudante sira partisipa ativamente iha aulas no kria atmosfera aprendijagem nian ho pergunta no diskusaun sira.
5. Dosente kursu sira tenke verifika prezensa antes ka depois prosesu aprendijagem.
6. Estudante sira ne’ebé rejistu ba prezensa mak estudante sira ne’ebé iha direitu atu partisipa iha prosesu aprendijagem. Se estudante nia naran la hakerek iha folha prezensa, signifika laiha direitu atu partisipa iha prosesu aprendijagem.
7. Estudante sira labele sai husi sala aulas nian molok aprendijagem remata exetu ba objetivu balun hafoin hetan lisensa husi dosente kursu nian.
8. Estudante sira tenke tuir nafatin aulas tuir oráriu ba semestre ida ho taxa prezensa mínimu 60% hosi prezensa dosente sira nian. Estudante sira ne'ebé nia prezensa iha aulas sira menus hosi 60% labele tuir ezame semestre finál.
9. Regra sira ba lisensa iha prosesu aprendijagem nian mak lisensa moras, lisensa família/lia no lisensa akadémika (estudante ne’ebé partisipa hela iha atividade akadémika hosi departamentu/fakuldade ka universidade), aleinde lisensa ne’ebé hateten iha leten konsidera falta.

Parte Relevante:

1. Xefe Departamentu
2. Administrasaun Departamentu
3. Dosente
4. Estudante

Dokumentus Nesesariu:

1. Orario Aprendijagem
2. Silabus no Planu Aulas Aprendijagem
3. Absensia Estudante
4. Absensia Atividade Dosente
5. Modulu / Materia Aprendijagem