Standard Operating Procedure (SOP) Akademiku Fakuldade Engenharia - UNDIL

Definisaun:

Avaliasaun prosesu aprendizajen hanesan prosesu ida atu hetan dadus no informasaun ne'ebé presiza atu determina to'o iha ne'ebé no oinsá aprendizajen la'o ona atu nune'e bele halo avaliasaun no hadi'a nesesáriu sira hodi maximiza rezultadu sira ne'ebé hetan hosi estudante sira. Aspetu avaliasaun nian bele kompostu hosi prezensa, tarefas, resposta sira, kuiz , ezame, relatóriu, projetu no forma sira seluk hosi avaliasaun. 

Rekizitu Jerál:

1. Prosesu aulas aprendizajen tomak remata ona.
2. Komponente hotu-hotu husi avaliasaun finál kompletu ona.
3. Dosente kursu kompleta ona prosesu ezame finál semestre nian.

Etapa Prosedimentu:

1. Dosente kursu halibur kritériu avaliasaun finál hotu.
2. Kritériu mínimu ba avaliasaun aprendizajen finál maka prezensa, tarefas, kuiz, ezame mediu semestre no ezame finál semestre.
3. Dosente kursu sira bele aumenta kritériu avaliasaun aprendizajen tuir situasaun no kondisaun kursu nian, hanesan relatóriu, atitude, étika no modelu avaliasaun sira seluk.
4. Dosente kursu sira tenke halo rekapitulasaun finál ba avaliasaun aprendizajen tuir regra akadémika ne'ebé aplikavel, iha-ne'ebé iha rekapitulasaun finál avaliasaun aprendizajen nian, dosente kursu sira tenke inklui valór totál no valór letra / notas.
5. Hafoin prosesu rekapitulasaun avaliasaun aprendizajen remata, dosente kursu nian tenke hatama valór finál sira ba administrasaun departamentu nian.
6. Tantu dosente sira no administrasaun departamentu nian tenke publika valor avaliasaun aprendizajen finál nian ba estudante sira hanesan forma transparénsia ida iha informasaun valor nian, nune'e fó tempu ba estudante sira atu verifika valor sira ne'ebé sira simu.
7. Períodu verifikasaun no keixa husi estudante sira-nia valór ba dosente kursu mak semana 1 hafoin valór sira publika. Liutiha tempu ida-ne'e, prosesu verifikasaun no keixa sira sei la simu ho razaun saida de'it.
8. Valor avaliasaun aprendizajen finál mak valor ne’ebé hatama iha Ficha Rezultadu Estudu (FRE) ne’ebé produz kada semestre iha Administrasaun Departamentu.

Valór totál no valór letra / notas ho regars sira tuirmai:

Parte Relevante:

1. Dosente
2. Estudante
3. Administrasaun Departamentu

Dokumentus Nesesariu:

1. Absensia Estudante
2. Absensi Dosente
3. Rekapitulasaun Valor Estudante