Standard Operating Procedure (SOP) Akademiku Fakuldade Engenharia - UNDIL

Definisaun:

Submisaun Topiku Monografia maka etapa inisiál atu serbisu ba monografia ida. Topiku monografia ne’e hato’o ba departamentu hodi hetan avaliasaun husi xefe departamentu no hetan aprovasaun no aseitasaun. Iha faze aprovasaun, estudante sira sei hetan Dosente Orientador na'in-rua atu orienta estudante sira hahú hosi inísiu manuskritu nian to'o ezame finál monografia nian.

Rekizitu Jerál:

1. Statutu hanesan estudante ativu iha semestre atuál.
2.  Hala’o ona orientasaun akadémika iha semestre atuál.
3. Prenxe rekizitu akadémiku sira tuir regulamentu kurríkulu ne'ebé aplika iha departamentu.
4. Halo pagamentu ba orsamentu monografia nian tuir regulamentu finanseiru ne'ebé aplikavel.

Etapa Prosedimentu:

1. Estudante sira tenke rejistu ba semestre atuál no selu orsamentu monografia nian ba Diresaun Finansas tuir regulamentu finanseira Universidade Dili nian.
2. Estudante sira foti FPE iha diresaun Akadémika no prienxe kursu monografia iha FPE ba semestre atuál nian.
3. Hafoin prosesu prenxe FPE remata, estudante sira bele konsulta ho dosente orientador akadémiku ka xefe departamentu kona-ba títulu/tópiku monografia ne’ebé sira sei foti.
4. Estudante sira foti formuláriu submisaun títulu monografia husi administrasaun departamentu no prienxe formuláriu tuir rezultadu konsultasaun ho orientador akadémiku ka xefe departamentu.
5. Formuláriu ne’ebé prienxe ona hatama ba Administrasaun Departamentu hodi halo akompañamentu husi Xefe Departamentu hodi aprova no determina orientador monografia.
6. Hafoin xefe departamentu determina orientador monografia ba estudante refere, Administrasaun Departamentu sei prepara karta nomeasaun ba ekipa Orientador (Orientador I no II) tuir desizaun xefe departamentu no sei hetan aprovasaun husi Dekanu Fakuldade.
7. Molok Dekanu Fakuldade aprova karta nomeasaun ekipa Orientador (Orientador I no II), Administrasaun Departamentu tenke aneksa formuláriu submisaun títulu monografia no karta desizaun husi Xefe Departamentu kona-ba determinasaun dosente orietador monografia nian.
8. Dokumentu hotu-hotu ne’ebé atu valida husi Dekanu Fakuldade tenke lori husi Administrasaun Departamentu no labele hetan reprezentasaun exetu ba razaun urjente.
9. Hafoin hetan aprovasaun ba karta nomeasaun ekipa Orientador (Orientador I no II), Administrasaun Departamentu presiza kontaktu estudante hodi kontinua entrega karta refere nune’e bele enkamiña ba orientador monografia no bele hahú prosesu orientasaun monografia tuir regulamentu ne’ebé aplikavel.

Parte Relevante:

1. Dekanu Fakuldade
2. Xefe Departamentu
3. Administrasaun Departamentu
4. Estudante

Dokumentus Nesesariu:

1. KPRH
2. Karta Livre Teoria
3. FPE Semestre Atual
4. Formulariu Submisaun Topiku Monografia
5. Karta Nomeasaun Dosente Orientador Monografia