Standard Operating Procedure (SOP) Administrativu Fakuldade Engenharia - UNDIL

Definisaun:

Karta sira seluk maka forma karta ofisiál hotu-hotu ne'ebé publika no hasai hosi Fakuldade ne'ebé hatama hosi departamentu, dosente, administrasaun no estudante sira ba objetivu akadémiku no administrativu. Forma karta hotu-hotu tenke iha karimbu fakuldade nian hanesan forma validasaun no validu.

Rekizitu Jerál:

1. Karta ne’ebé hatama tenke iha relasaun ho atividade akadémika no administrativu.
2. Karta refere tenke pelumenus iha koñesimentu husi xefe departamentu

Etapa Prosedimentu:

1. Parte relevante (Xefe Departamentu, Dosente, Administrasaun ka Estudante sira) hatama karta ba Administrasaun Departamentu.
2. Administrasaun Departamentu submete karta relevante ba Dekanu Fakuldade hodi halo akompañamentu.
3. Karik Dekanu Fakuldade aprova karta ne’e, sei asina no taka ho karimbu fakuldade nian.
4. Karik karta ne’e hetan rejeisaun, sei submete no Informa kedas ba Administrasaun Departamentu.
5. Karta ne’ebé simu husi Dekanu Fakuldade, sei entrega fila-fali ba parte relevante.
6. Administrasaun Departamentu iha obrigasaun atu halo kópia ba karta hanesan arkivu iha Departamentu.

Parte Relevante:

1. Estudante
2. Docente
3. Administrasaun Departamentu.
4. Xefe Departamentu
5. Dekanu Fakuldade

Dokumentus Nesesariu:

1. FPE / KPRH / FRE (Ba Estudante Sira)
2. Personaliza dokumentu sira tuir nesesidade