Standard Operating Procedure (SOP) Yudisium & Graduasaun Fakuldade Engenharia - UNDIL

Definisaun:

Yudisium hanesan desizaun ida ne’ebé hateten katak estudante ida gradua ona ka sedauk bazeia ba prosesu akadémiku tomak ne’ebé kompleta ona nu’udar parte ida husi avaliasaun finál. Estudante sira ne’ebé bele rejistu ba yudisium maka estudante sira ne’ebé kompleta ona prosesu aprendijagem tomak husi inísiu to’o remata no rejistu ona nu’udar kandidatu graduadu hanesan evidénsia husi dokumentu lubuk ida ne’ebé rekere iha diresaun akadémika Universidade Dili.

Rekizitu Jerál:

1. Serimónia Yudisium hala’o molok graduasaun.
2. Implementasaun serimonia yudisium halao husi Fakuldade bazeia ba despaisu Reitor nian.
3. Partisipante sira iha Serimónia Yudisium mak estudante finalista ne'ebé deklaradu kompleta hotu ona rekizitu akadémiku no administrativu Universidade nian.
4. Partisipante Yudisium mak estudante sira ne’ebé rejistu ona nu’udar kandidatu graduadu.

Etapa Prosedimentu:

1. Estudante sira rejistu ona nu’udar kandidatu graduadu iha  diresaun akadémika.
2. Estudante sira kompleta ona dokumentu graduasaun nian tuir regra aplikavel diresaun akadémiku nian.
3. Reitoria hasai despaxu yudisium no graduasaun ba kada Fakuldade.
4. Hafoin karta desizaun hasai, Dekanu Fakuldade forma komisaun internal Fakuldade hodi realiza Yudisium fakuldade.
5. Administrasaun Departamentu sei verifika lista dadus husi kandidatu graduadu ne'ebé sei hola parte iha Graduasaun Interna / Yudisium Fakuldade nian iha seksaun Akadémika.
6. Administrasaun Departamentu verifika fila-fali dadus estudante nian hanesan naran, NRE, fatin no data moris no valór sira ne'ebé maka hakerek iha Transkrisaun Valor Akadémika Provisoriu.
7. Komisaun Yudisium Fakuldade nian konvida estudante sira ne’ebé rejistu ona nu’udar graduadu atu koordena no hala’o enkontru limitadu kona-ba Yudisium.
8. Komisaun Yudisium Fakuldade realiza Yudisium tuir dispozisaun aplikavel no iha loron ne’ebé determina tiha ona.
9. Iha Yudisium Fakuldade, estudante sira ne’ebé partisipa iha Yudisium sei simu sertifikadu Yudisium ne’ebé sei entrega husi xefe departamentu nu’udar sinál katak estudante refere deklara ona legalmente gradua nu’udar estudante iha Departamentu relevante.

Parte Relevante:

1. Estudante
2. Administraaun Departamentu
3. Xefe Departamentu
4. Dekanu Fakuldade
5. Xefe Diresaun Akademiku
6. Xefe Diresaun Financas

Dokumentus Nesesariu:

1. Dokumentus Registrasaun Graduasaun
2. Transkrisaun Valor Akadémika Provisoriu
3. Sertifikadu Yudisium.