Standard Operating Procedure (SOP) Yudisium & Graduasaun Fakuldade Engenharia - UNDIL

Definisaun:

Graduasaun maka prosesu finál iha etapa atividade akadémika sira iha universidade ida ne'ebé serve hanesan sinál konfirmasaun ida ba kompletasaun estudu sira. Serimónia graduasaun ne’e hala’o ho involve prosesu tomada de posse liuhosi reuniaun aberta senadu nian. Graduasaun hala'o ba graduadu hotu-hotu hosi programa estudu nian iha universidade ida iha tempu ne'ebé determina ona antes.

Rekizitu Jerál:

1. Estudante sira kompleta ona sira nia Monografia.
2. Estudante sira rejistu ona hanesan kandidatu graduadu iha diresaun akadémika
3. Estudante sira kompleta hotu ona pagamentu semesteral no graduasaun nian.
4. Oráriu graduasaun nian determina hosi Reitoria iha enkontru senadu Universidade nian.

Etapa Prosedimentu:

1. Estudante sira kompleta asuntu administrativu hotu-hotu ho administrasaun departamentu relasiona ho kritériu graduasaun nian hanesan akta exame monografia, transkrisaun valor provisoriu, FPE ba kada semestre, FRE ba kada semestre, Submete teze ba Departamentu no Biblioteka, nst.
2. Estudante sira selu orsamentu graduasaun nian tuir provizaun sira hosi Diresaun Finansas Universidade nian.
3. Estudante sira rejistu ba graduasaun iha Diresaun Akadémiku Universidade nian no hatama dokumentu hotu-hotu ne'ebé presiza.
4. Estudante sira kompleta obrigasaun administrativu hotu-hotu relasiona ho graduasaun.
5. Hafoin kompleta hotu obrigasaun administrativa, akadémika no finanseira, estudante sira sei hein verifikasaun dokumentu husi parte akadémika, iha ne’ebé prosesu verifikasaun sei demora maizumenus loron 30 nia laran.
6. Hafoin verifika tiha dokumentu hotu-hotu, diresaun akadémika sei submete dadus kandidatu graduadu nian ba Ministériu Ensinu Superior hodi halo re-verifikasaun.
7. Depois dadus estudante hotu-hotu hetan ona verifikasaun tantu husi ministériu no universidade, Ministériu Ensinu Superior sei hasai despaxu ne’ebé hateten lista estudante sira ne’ebé verifika ona nu’udar graduadu iha direitu atu hetan graduasaun.
8. Hafoin karta desizaun hasai, universidade iha direitu no obrigasaun atu realiza serimónia graduasaun ba graduadu sira hotu ne'ebé rejistadu no verifikadu.

Parte Relevante:

1. Estudante
2. Administraaun Departamentu
3. Xefe Diresaun Akademiku
4. Xefe Diresaun Financa

Dokumentus Nesesariu:

1. Akta Exame Monografia
2. Transkrisaun Valor Akademiku Provisoriu
3. FPE no FRE kada Semestre
4. Dokumentu graduasaun sira seluk