Standard Operating Procedure (SOP) Akademiku Fakuldade Engenharia - UNDIL

Definisaun:

Konversaun Valór mak prosesu atu halo hanesan no korresponde valór sira husi kandidatu estudante sira-nia kursu ho statuta transferénsia husi universidade sira seluk ne’ebé rejistu iha Universidade Dili. Klase no kursu hotu-hotu tenke tuir kurríkulu ne’ebé aplikavel iha departamentu sira ne’ebé disponivel iha Universidade Dili. Desizaun hotu-hotu kona-ba konversaun ba valór sira deside hosi dekanu fakuldade no xefe departamentu maka desizaun absoluta no labele muda hosi kandidatu estudante.

Rekizitu Jerál:

1. Dokumentu akadémiku sira tenke tau karimbu ho karimbu universidade relevante.
2. Kandidatu Estudante sira tenke kumpre prosedimentu no regra sira Konversaun Valór nian ne'ebé aplikavel.
3. Desizaun kona-ba konversaun valór sira nian maka finál no labele kontesta.

Etapa Prosedimentu:

1. Kandidatu Estudante sira ne'ebé atu hetan transferénsia tenke hatama karta transferénsia husi sira nia universidade orijinál ne'ebé akompaña ho transkrisaun temporáriu no tenke karimbu husi universidade orijinál.
2. Kandidatu Estudante sira ne’ebe mak transfere nivel Estudu persija hatama diploma orijinal, transkrisaun orijinal no fotokopia ne’ebe mak legaliza ona husi Ministerio Ensino Superior Timor Leste.
3. Xefe Departamentu hato'o pedidu ida ba Dekanu Fakuldade kona-ba konversaun valór sira ba estudante sira ne'ebé iha nivel transferénsia.
4. Dekanu Fakuldade sei kordena direitamente ho xefe departamentu hodi forma ekipa konversaun valor. Ekipa konversaun valór kompostu husi Xefe Departamentu no dosente permanente sira husi departamentu relasionadu.
5. Ekipa konversaun sei konverte valór sira hosi transkrisaun valor estudante transferénsia mais ou menus loron 6 hafoin ekipa konversaun valór nian forma.
6. Rezultadu husi konversaun valor tenke submete ba Dekanu Fakuldade hodi hetan aprovasaun hamutuk ho Xefe Departamentu.
7. Xefe Departamentu sei hatama rezultadu hosi konversaun valór sira ne'ebé aprova hosi Fakuldade ba estudante sira ne'ebé hakarak halo transferénsia.
8. Karik estudante transferénsia nian konkorda ho desizaun konversaun, estudante transferénsia bele kontinua prosesu rejistu ba estudante foun tinan akademiku atual.

Parte Relevante:

1. Dekanu Fakuldade
2. Xefe Departamentu
3. Dosente
4. Estudante

Dokumentus Nesesariu:

1. Transkrisaun Valor Provisoriu husi Universidade Anterior
2. Curriculu Aplikavel iha Departamentu ne’ebe hamahan iha Fakuldade Engenharia