Segunda, 27 Julhu 2026, Fakuldade Engenharia-UNDIL no Society Of Petroleum Engineers Timor-Leste Section (SPE-TL) asina MoU hodi hametin kooperasaun entre parte rua liu-liu ba estudante sira iha departamentu Petroleo no Geologia. iha atividade ne, UNDIL representa husi Dekanu Fakuldade Engenharia Sr. Januario F. A. Bernardo, M.Kom no husi Parte SPE-TL representa husi Student Liaison Officer Sra. Inersia Crijodia do Carmo Soares. Bazeia ba Referénsia MoU, apoiu husi SPE-TL inklui, maibé la limita maka:
- Atribuisaun bolsa estudu anuál (depende ba finansiamentu jerál hosi patrosinadór no apoiante sira SPE TL nian).
- Enkontru tékniku trimestral iha área sira interese mútuo nian, bainhira partilla ne’e sei fó benefísiu ba Parte rua.
- Asisténsia hodi hala'o feira kareira anuál ida hodi fornese orientasaun kareira nian ba Membru estudante SPE nian no mós konetividade ba indústria/akademia iha Austrália no liuhosi rede globál SPE nian.
Espera katak husi atividade asina MoU ne'e, bele dezenvolve diak liu tan kualidade ensinu iha Fakuldade Engenharia liu-liu iha Departamentu Petroleo no Geologia.
